165
La seste edizion dal “Ocean Film Festival World Tour” si ferme martars ai 22 aes 8 di sere al “Centrale” di Udin cun “Broken Breath”, un cine di Morgan Bertacca su Mike Maric, il campion mondiâl di apnee, medic e alenadôr di tancj atletis olimpics. Chest al è un dai prins apontaments de edizion taliane de impuartante rassegne cinematografiche “Ocean Film Festival Australie”, che dal 2014 e presente une selezion dai miôr cines dedicâts a temis ambientâi, sportîfs, culturâi e naturalistics. “Broken Breath” al è il prin cine talian tra i finaliscj dal “Ocean Film Festival World Tour”, che fintremai ai 28 di Novembar al fasarà fermadis in ciertis des principâls citâts talianis. (A.I.) – 21.11.2022
