Elena, un archetip che al fevele ancje aes feminis di vuê

Al va indevant compagnat lis iniziativis pe Zornade nazionâl pe eliminazion de violence cuintri lis feminis, fissade pai 25 di Novembar, la 18e edizion dal festival “La scena della donne”, direte di Bruna Braidotti. In sene al Teatri “Pasolini” di Çarvignan, martars ai 22, “Elena di Sparta” di e cun Silvia Priori, e cu la danzadore Selene Franceschini, pe regjie di Silvia Priori e Renata Coluccini. Il spetacul, une produzion dal Teatro Blu, al misture teatri, danze orientâl e musichis epichis, par consegnâ al public une altre version dal personaç mitologjic de Iliade di Omero, innomenât par jessi stât al centri des causis che a discjadenin la Vuere di Troia. Il spetacul al fevele di libertât e di resistence a miec di un personaç di cumò, une femine archetipiche che e à fat simpri part dal imagjinari popolâr. (A.I.) – 21.11.2022