Pordenon: un premi a Cecilia Gobbi, fie dal bariton famôs

Dedicât a cui che al contribuìs a pandi l’amôr pe musiche a un public larc, cun atenzion particolâr aes gnovis gjenerazions, il Premio Pordenone Musica, une iniziative internazionâl ae 8e edizion, al conferme l’impegn dal Teatri “Verdi” di Pordenon par chei plui zovins e pal passaç gjenerazionâl di cognossincis in ambit musicâl. Dopo personalitât che a son “patrimoni” de musiche internazionâl, la edizion 2022 e premie Cecilia Gobbi, fondadore a Rome de associazion musicâl Tito Gobbi, creade par tignî vivarose la memorie de art di so pari, l’innomenât bariton, contribuint ae difusion de culture oparistiche. Cecilia Gobbi e je ancje autore di iniziativis editoriâls par menâ zuiant chei plui piçui tal mont de liriche: un dai motîfs pe sô premiazion. A Dicembar, Pordenon e dedicarà trê zornadis interiis ae vincidore dal Premi. (A.I.) – 21.11.2022