164
Un dai naratôrs plui preseâts de sene taliane, Ascanio Celestini, al rive a Cjasarse miercus ai 23n aes 8.45 sot sere, par une repliche dal so gnûf spetacul, “Museo Pasolini”, ospit de stagjon dal Teatri “Pier Paolo Pasolini”, promovude dal circuit Ert. In ocasion dai cent agns de nassite dal autôr di Cjasarse, Celestini al prove a vuidâ il public traviers un museu ipotetic, dedicât a Pasolini, traviers lis testemoneancis di un storic, un psicanalist, un scritôr, un letôr, un criminolic e un testemoni che lu à cognossût. Celestini al veve za onorât Pasolini tal so prin lavôr dal 1998, “Cicoria. In fondo al mondo, Pasolini”, la storie di un pari e un fi in viaç intun mont contat cul stîl di Pasolini. (A.I.) – 22.11.2022
