166
La Universitât di Udin e onore Roberto Gusmani (1935–2009), studiôs des lenghis di innomine internazionâl e tra i fondadôrs dal Ateneu, dulà che al è stât il tierç retôr, dal 1981 al 1983. Joibe ai 24, des 2 dopomisdì, si tignarà la cunvigne “La lezione di Roberto Gusmani”, a Palaç di Toppo Wassermann, dedicade ae figure sientifiche di un mestri de linguistiche. E soredut al so contribût ai studis glotologjics in cjamp talian e no dome. Gusmani al à analizât, par altri, plurilinguisim, diversitât linguistiche, contat jenfri lis lenghis e lenghis minoritariis, temis che a son dongje ae specificitâts dal nestri teritori. (A.I.) – 23.11.2022
