Il presepi di len di Sudri inte place dal Pape

Al rive di Sudri, al profume di len di cedri e dai 3 di Dicembar al sarà tal cûr di Place Sant Pieri, a Rome, cu lis sôs 18 statuis metudis suntune superficie di 116 metris cuadris, iluminadis di 50 ponts lûs. Il Presepi dal Nadâl 2022 in Vatican al è fat di une scuadre di undis artiscj e artesans dal len che di agnorums a son atîfs sul teritori, a Sudri e in dute la regjon. Sculpît a man, cuntune altece massime di 7 metris su la cupule dominade dal agnul, il presepi al è ispirât ai valôrs de sostignibilitât: nissun arbul, di fat, al è stât taiât pes statuis di len e la struture, doprant ancje materiâl di recupar o plantis dislidrisadis dilunc dal burlaç Vaia. (A.I.) – 24.11.2022