Arpe ‘mondiâl’ nassude in Friûl pe opare mestre di Britten

La opare mestre innomenade di Benjamin Britten, “A Ceremony of carols”, componude intal 1942, e je al centri dal conciert che al viodarà protagonist il Piccolo Coro Artemìa, une des realtâts zovinis plui impuartantis de sene musicâl dal Nordest, diret di Denis Monte. L’apontament al è par sabide ai 26, aes 8.45 di sere inte Glesie di Sant Marc a Pordenon. Il conciert al è une gnove propueste de 31e edizion dal Festival Internazionâl di Musiche Sacre diret di Franco Calabretto e Eddi De Nadai. La “Ceremony”, une carelade di cjants popolârs religjôs, e viôt la partecipazion di Emanuela Battigelli, nassude in Friûl, une arpiste fra chês plui ativis e preseadis a nivel mondiâl.  (A.I.) – 25.11.2022