A ‘Suns Europe’ ancje une serie fantasientifiche in lenghe furlane

A ‘Suns Europe’ ancje une serie fantasientifiche in lenghe furlanei 26 di Novembar, a tacâ des 9 di sere, al Teatri Gnûf “Giovanni da Udine” al è in program il concierton finâl di Suns Europe, il festival des arts in lenghe minorizade organizât de cooperative Informazione Friulana. La zornade finâl e tacarà dut câs za a buinore, simpri li dal “Giovanni da Udine”, li che des 10 (e fin aes 7 di sere, orari de ultime proiezion), in sale Fantoni, 10 personis par volte a podaran assisti ae proiezion de serie web multimediâl 33/16. Il curt al vignarà mandât ogni 45 minûts e par partecipâ bisugne notâsi su eventibrite.it. Aes 6 sot sere e je in program une presentazion di bande dal regjist. 33/16, scrite di Enrico Maso e direzude di Marco Fabbro, e je une serie fantasientifiche ucroniche zirade in lenghe furlane e, unic câs intal panorame audiovisîf, e je stade zirade dute cun telecjamaris a 360° e sunôr direzionâl. (A.I.) – 25.11.2022