Gnûfs tesaurs a tornin a saltâ fûr dai sgjâfs archeologjics a Aquilee

Dôs gnovis “perlis” des Grandis Termis romanis di Aquilee, costruidis inte prime metât dal IV secul d. di C., a son stadis puartadis ae lûs intai ultins sgjâfs fats de mission archeologjiche de Universitât di Udin inte aree. Al è un larc ambient che al ospitave grandis vascjis, mosaics e fontanis e une grande aree de abside (ambient semicircolâr) dal calidarium, la zone destinade ai bagns in aghe cjalde. Lis investigazions si son concentradis in doi setôrs dal grant edifici termâl: chel a Sud Est, dulà che il sgjâf al va indevant di cualchi an, e chel a Ovest, intun setôr gnûf, inte aree dai ambients riscjaldâts.
Lis ricercjis a son stadis puartadis indevant su concession ministeriâl, in acuardi cu la Soprintendenza Archeologia Belle Arti e Paesaggio dal Friûl – Vignesie Julie e in colaborazion sientifiche cun Cristian Tiussi, diretôr di Fondazione Aquilia, che e à sigurât la poie economiche al sgjâf. (ADG) – 28.11.2022