162
Un dai events plui spietâts de 31e edizion dal Festival Internazionale di Musica Sacra, inmaneât di Presenza e Cultura e diret di Franco Calabretto e Eddi De Nadai, al rive miercus ai 30 di Novembar inte Glesie di Sant Marc a Pordenon. Aes 8 e 45 di sere, il sipari si alçarà su “Storia di un figlio cattivo”, une Sacre rapresentazion par sopran, vôs e ensemble. Une propueste leade a strent al teme dal “Filius”, che al zonte dutis lis propuestis in cartelon chest an. Une produzion realizade in colaborazion cul prestigjôs Ravenna Festival, ispirade aes Confessions di Agostino di Ippona, interpretade de mieç sopran Daniela Pini e dal Ensemble Tempo primo. (A.I.) – 29.11.2022
