“Dâ une oportunitât plui semplice e concrete aes piçulis impresis e ai esercents dal Friûl-Vignesie Julie di partecipâ ai bants de Regjon e dai Ents locâi pal acuist e la furnidure di bens e servizis: dut a vantaç esclusîf de economie dal teritori”.
Lu à dit vuê a Triest l’assessôr regjonâl ai Sistemis informatîfs, Sebastiano Callari, intal cors de presentazion aes associazions di eAppaltiFvg-Sistema Acquisti Telematici (Sat), la gnove plateforme de aministrazion publiche regjonâl pai acuiscj di bens e la furnidure di servizis che e sarà operative intal 2023.
Cemût che al à sclarît il rapresentant de Zonte, il progjet – puartât indenant de societât regjonâl Insiel – e ponte propit a fâ semplice e trasparente pes impresis artesanis e dal piçul cumierç – jentrâ intal circuit dai furnidôrs di bens e servizis de aministrazion publiche regjonâl. (ADG) – 2.12.2022
