Comun e Prefeture di Pordenon aleâts cuintri i imbrois ai anzians

Cheste matine, in Prefeture a Pordenon, al è stât sotscrit il protocol di intese pe prevenzion e  il contrast dai imbrois ai anzians. Ae riunion, vuidade dal prefet Domenico Lione, di là dal cuestôr, dai Comandants provinciâi dai Carabinîrs e de Vuardie di Finance, a àn partecipât il sindic Alessandro Ciriani e il vice sindic, Emanuele Loperfido.
La iniziative rindude pussibile di un finanziament dal ministeri dal Interno par ducj i Comuns capitâl, al à l’obietîf di disvilupâ progjets sul teritori par contrastâ il fenomen dai imbrois cuintri lis personis anzianis. Episodis di razîrs, fats aprofitant de buine fede o di un moment di distrazion des vitimis, a pesin su la percezion di sigurece des personis fraudadis e a causin dispès consecuencis no dome economichis, ma ancje di ordin psicologjic. (ADG) – 5.12.2022