Om cjapât sot a Visepente di Basilian

A Visepente di Basilian, in place Sant Valentut devant di une ativitât, cheste matine intor aes 8, un om al è stât cjapât di un auto.

Intal impat l’om al è stât sbalçât par plui o mancul cinc metris e al è colât a tiere. Al à ripuartât un traume al cjâf, a une spale e a une gjambe, ma al è simpri restât cussient. I infermîrs de Sores a àn inviât sul puest une ambulance che e à traspuartât il ferît intal ospedâl Santa Maria della Misericordia di Udin. (ADG) – 5.12.2022