Impegnâsi a superâ lis barieris, fisichis e no dome

In ocasion de Zornade internazionâl pai dirits des personis cun disabilitât, la Sorintendence Archeologjie, bielis arts e paisaç dal Friûl-Vignesie Julie e presente une cunvigne dedicade aes buinis pratichis di progjetazion in ambit architetonic e urban, al teme de acessibilitât e de fruibilitât dai spazis publics. L’incuintri di cheste edizion al à al centri il rapuart tra progjet pe acessibilitât e inclusion e bens culturâi. L’apontament a Palaç Clabassi, a Udine, Miercus ai 7 di Dicembar aes 17.30. La Zornade internazionâl des personis cun disabilitât (ai 3 di Dicembar), istituide intal 1992 de ONU, e promôf i valôrs e al ricognòs tant che impegn primari il superament des barieris fisichis, cognitivis, sensoriâls e culturâls intai lûcs de culture. (A.I.) – 06.12.2022