Dôs personis a son restadis feridis in maniere serie intal scuintri tra dôs veturis, intal prin dopomisdì, in vie Domanins, a Castions di Çopule.
Sul puest l’ecuipaç di une ambulance rivade di Pordenon, i doi elicotars di socors dal Friûl-Vignesie Julie e lis Vuardiis dal fûc di S. Vît dal Tiliment che a àn scugnût lavorâ a lunc.
Lis personis coinvoltis intal incident a jerin restadis di fat incjastradis dentri des machinis.
Un om di 30 agns al è stât traspuartât in cundizions une vore gravis cul prin elicotar al ospedâl S. Marie de Misericordie di Udin, intant che une fantate di 26 agns e je stade traspuartade cul secont elicotar al pront socors di Cattinara a Triest, ancje jê in cundizions gravis.
Une tierce persone, cun feridis minôrs, e je stade acompagnade pes curis al S. Marie dai Agnui di Pordenon cu la ambulance.
Su lis causis dal scuintri a stan investigant i Carabinîrs. (ADG) – 10.12.2022
244