Lezion di storie cun Paolo Mieli

Incuintri cun Paolo Mieli, une des firmis plui autorevulis dal gjornalisim talian, miercus ai 14 aes 6 dopomisdì inte Biblioteche comunâl di Monfalcon. Ospit de associazion Clape nel Mondo, in colaborazion cul Comun di Monfalcon, la Regjon e la associazion Mitteleuropa, Mieli al sarà protagonist di une des ‘Lezions di storie’ . In particolâr, cu la sô clarece carateristiche, in “1947-1954: esodi ed emigrazioni nella Venezia Giulia” al analizarà lis vicendis che 75 agns indaûr a àn definît il confin a Nordest, puartant al grant esodi e ae emigrazion. E che ancjemò vuê a fasin sintî lis propriis consecuencis e a son “Ferite ancora aperte” (feridis ancjemò viertis), tant che il titul dal so ultin libri (A.I.) – 13.12.2022