158
La prime part de Stagjon 101 dai “Amici della Musica” di Udin al risierve pal so public ancjemò un apontament. Miercus ai 14, simpri al Palamostre tacant aes 19:22 (in riferiment al 1922, l’an di fondazion dal sodalizi), esibizion dai vot violoncei dal Cello Consort. La formazion di musiche di cjamare, cun protagoniscj zovin talents di alt profîl, e si è esibide cun sucès in Italie, France e Ingletiere, presentant un program cuntun percors svariât, fra tradizion e incuintris di gjenars. A Udin, la sielte e larà di Bach a Vivaldi, di Wagner a Piazzolla. (A.I.) – 13.12.2022
