Tal centri di Udin e torne la Galarie di art Copetti

La galarie di art Copetti Antiquari e torne a Udin dopo cuasi trê agns. Lade via de citât tal 2020, dopo vê vût une sede in via Paolo Sarpi dal 2006, joibe ai 15 e scree i gnûfs spazis in centri, in via della Prefettura, dulà che e jere la Tipografie Bertossi. La galarie e je specializade in sculture e piture antighe e moderne, e partecipe aes fieris plui impuartantis e a Levrons di Premariâs e incure il parc di sculturis al viert “Braida Copetti”, di pôc ricognossût tant che aree museâl. Intal spazi udinês, concepît tant che pont di incuintri tra apassionâts e colezioniscj, a saran organizâts esposizions e avigniments culturâi di vari gjenar. Tra i prins tocs in mostre, lavôrs impuartants dal 20n secul, tant che la sculture di bronç “Don Chisciotte” di Mirko Basaldella. (A.I.) – 14.12.2022