Mâl par un camionist a Sant Denêl, che però al rive a lâ in bande cence causâ problemis

Un camionist di 55 agns al è stât socorût dopo che i jere vignût mâl intant che al jere ae vuide dal mieç pesant. Al è capitat dilunc di vie Kennedy, ae intersezion cu la regjonâl 463, a S. Denêl. L’om al è rivât a metisi in bande cul camion par timp.

Dopo la clamade al Nue 112, la Struture operative emergjence regjonâl sanitarie e à inviât sul puest une ambulance, la Polizie locâl e i pompîrs, rivâts dal Distacament di Glemone e di S. Denêl.

L’om al è stât socorût daurman e traspuartât tal ospedâl di S. Denêl in cundizions par fortune no grâfs. (A.D.G.) – 19.12.2022