La Andos di Udin e fasarà un gnûf “regâl” in ocasion dal Nadâl ae Unitât senologjiche dal Ospedâl Santa Maria della Misericordia di Udin: une lampade specifiche pe sale operatorie, che e rive a iluminâ cualsisedi cjamp. La cerimonie uficiâl di consegne si tignarà miercus ai 21, aes 8.45 di sere al Palamostre, dilunc di “Un dono per un sorriso”, serade di danze e cabaret organizade de Associazion Donne Operate al Seno – Comitât di Udin e Unci – Unione nazionale Cavalieri d’Italia, Sezion di Udin. La serade e sarà animade da fantats disabii de Special Olympics, cun la partecipazion di Catine e i spetacui di danze de scuele Broadway Dance. La jentrade e coste 10 euros e i bêçs tirâts su a laran a finanziâ i gnûfs progjets de Andos. (A.I.) – 20.12.2022
Danze e cabaret intune serade benefiche
130