Cubie zovine intosseade a Tresesin dal monossit di carboni

Une cubie zovine e je restade intosseade vie pe gnot a Tresesin, dopo vê respirât cence savê monossit di carboni, il gas inodôr e insavôr ce tant pericolôs.
L’alarme al è partît tor di miezegnot e mieze dentri de lôr abitazion, dilunc de statâl 13 Pontebane. Dopo la clamade al Numar unic di emergjence 112, a son rivâts sul puest l’ecuipaç di une ambulance di Tarcint, lis Vuardiis dal fûc e lis fuarcis dal ordin.
Ae rivade de equipe sanitarie la cubie e jere atente, a ben che un dai doi al fos in stât confusionâl. A son stâts prime acompagnâts al ospedâl Sante Marie de Misericordie di Udin e dopo al è stât decidût il lôr trasferiment in svol cul elisocors al ospedâl di Cattinara pal lôr tratament in cjamare iperbariche. (A.D.G.) – 20.12.2022