Campions di schi a provin lis pistis dal Çoncolan

Une altre zornade di alenament pai schiadôrs talians e slovens su lis pistis dal Friûl-Vignesie Julie. La piste 1 de mont Çoncolan e à ospitât cheste matine il zovin talian Filippo Della Vite, che di resint al è rivât a un cetant bon plaçament intal slalom zigant di Cope dal Mont in Alte Badie. Cun lui si è alenât ancje l’atlete di ponte de scuadre slovene, Žan Kranjec, bronç intal zigant di Cope dal Mont su la Gran Risa. I alenaments a àn permetût di tornâ a vierzi al public la piste, cun sodisfazion ancje de bande dai tecnics talians Walter Girardi e Peter Fill, che a àn preseât lis cundizions e la preparazion dal percors in graciis dal supuart dal grup di PromoTurismoFVG. Simpri su la mont Çoncolan, al principi di Zenâr, a rivaran lis schiadoris de scuadre nazionâl di schi alpin, cun Federica Brignone e Marta Bassino. (A.I.) – 28.12.2022