Fûc te preson di via Spalato a Udin

Flamis intune cele inte preson di via Spalato a Udin. Dopomisdì di miercus, doi detignûts a àn dât fûc a cussins e materàs dentri de lôr cele, sierantsi dopo tal cabôt. Il fugaron al è stât distudât di cualchi agjent de Polizie penitenziarie che, par vie dal fum respirât, al à vût di ricori aes curis dal personâl sanitari, tant che i presonîrs, menâts al ospedâl di Udin par un principi di intossicazion. A impiâ il fûc, un presonîr che al à di scontâ une lungje condane e al voleve stâ di bessôl inte cele di sigurece, ma no i è stât permetût. (A.I.) – 29.12.2022