Un grant cuantitatîf di refudums (plui di 8 mil metris cubis) al è stât mitût sot secuestri dai Carabinîrs dal Noe, il Nucleo Operativo Ecologico di Udin, intal curtîl e intal capanon di une aziende di Manzan.
Il proviodiment al è stat fat intai dîs passâts e lis investigazions a son ancjemò in cors. “O pues confermâ il secuestri – al à dit il Procuradôr Cjaf di Udin, Massimo Lia -, ma inte fase di cumò de inchieste no podìn furnî altris elements su la origjin dal materiâl”.
La operazion e fâs part dai controi decidûts dal Comando Carabinieri per la Tutela dell’Ambientale e la Transizione Ecologica su la corete gjestion dai refudums plastics e e je stade fate cul supuart dai coleghis de Compagnie Carabinîrs di Udin e dal comant di Udin dai pompîrs. Dopo dai controi a son stâts denunziâts il titulâr di une imprese individuâl che e opere intal Comun di Manzan intal setôr des materiis primis secondariis, che a derivin di lavorazions di plastiche e il proprietari dal capanon. (A.D.G.) – 12.01.2023
