A son scomençâts joibe ai 12 di Zenâr i lavôrs di sistemazion dal Pontîl a Mâr, comissionâts de societât Lignano Pineta Spa, concessionarie dal toc di splaze che e ospite la struture sugjestive, fate intal 1958 su progjet di Michele Tedesco, inzegnîr e sindic dal neu costituît Comun di Lignan, deventade intai agns un dai simbui plui famôs de splaze furlane.
Al lavôr par un intervent di demolizion e ricostruzion dal prin toc di pontîl, di là dai colaboradôrs de societât Lignano Pineta, personâl de imprese Cicuttin di Tisane, des Officine Zamarian di Prissinins, di Precasa di Flumisel e di M&M Grigliati di Pavie.
“Sedi nô che Ciro Manfredonia, afidatari e gjestôr dal esercizi public che si cjate in fonts al pontîl, o controlin cun atenzion meticolose l’intervent – al comente Giorgio Ardito president de societât concessionarie demaniâl dal toc di splaze interessât da lavôrs -. Dentri di Març la prime part dal pontîl e sarà completade, cu la stesse architeture di chês altris parts de infrastruture turistiche secont ce che al è previodût dal progjet butât jù dal inzegnîr Maurizio Meroi di Lignan”. (A.D.G.) – 13.01.2023
