Incident su la autostrade a Sant Zorç di Noiâr

Incident, cheste matine, in A4. A dâsi cuintri un furgon e un camion intal trat tra Tisane e Porpêt, in direzion Triest, ae altece di S. Zorç di Noiâr.

Une persone e je restade feride; socorude dal personâl sanitari, e je stade elitraspuartade al ospedâl di Udin pes feridis ripuartais aes gjambis.

Sul puest l’ecuipaç di une ambulance di Tisane e l’elisocors, lis Vuardiis dal fûc dal Distacament di Tisane, il personâl de autostrade e la Polizie Stradâl, ducj coordenâts dal Centri operatîf autostradâl di Udin. (A.D.G.) – 17.01.2023