Une storie di amôr a tor pal mont

L’atôr Sebastiano Somma al interprete Pablo Neruda in “Vi presento Matilde Neruda”, il gnûf spetacul conciert scrit di Liberato Santarpino, che al sarà ospit dal circuit ERT par cinc seradis. Lis primis a son in program joibe ai 19 al Cinecity di Lignan, vinars ai 20 al Teatri Zancanaro di Sacîl e sabide ai 21 al Auditorium Comunâl di Çopule. Chês altris in Març, a Cividât e Grau. Il spetacul al è un incuintri tra l’incjant de poesie e la musiche leade ae tradizion sudamericane dal tango e al conte la storie di amôr chl Pablo Neruda e Matilde Urrutia a àn vivût par tancj agns, viazant in varis paîs a tor pal mont. (A.I.) – 18.01.2023