Tor di Zuin: cussì e nassè la citât aziendâl

I incuintris intal ambit dal progjet “Ricostruî Tor di Zuin su Minecraft”, inmaneâts de Pro Torviscosa, a van indevant. Il fin al è la rapresentazion dal paîs cul famôs videozûc, de bande dai students de ISIS di Çarvignan. I incuintris in program a àn il fin di dâ ai fantats lis informazions necessariis par capî il valôr dal patrimoni urbanistic dal paîs. Dopo chel dedicât ae architeture fassiste, l’apontament che al ven, ai 21 di Zenâr, al rivuarde un altri aspiet urbanistic di Tor di Zuin, chel de citât aziendâl, traduzion dal inglês “company town”. La cunvigne cul espert Mareno Settimo si tignarà intal centri sociâl di Tor di Zuin: po dopo, visite al paîs e aes colezions dal CID.  (A.I.) – 19.01,2023