‘Musica in Villa’: i concierts ancje in radio

Dopo i concierts, ‘ Musica in Villa 2022′ al va “in Onde”. La rassegne storiche dal inmaneade dal Progjet Integrât Culture (P.I.C.) dal Friûl di mieç e je deventade un formât radiofonic che si pues scoltâ in modulazion di frecuence e su internet. La prime des 15 pontadis e je lade in onde domenie ai 15, intal palinsest di Radio Onde Furlane, ancje in rêt, ufrint al public spetacui musicâi dal vîf in lûcs sugjestîfs e dispès pôc cognossûts di une part dal plan furlan. La trasmission, curade e direte di Paolo Cantarutti e Marte Savorgnan, cun Ferdinando ‘Passion’ Passone in regjie, e je un viaç traviers la musiche e il teritori, là che si podaran scoltâ la arpiste Emanuela Battigelli, i concierts de Corâl dal Friuli-VG, il tercet jazz Comisso/Turchet/Colussi e tancj altris. (A.I.) – 20.01.2023