Il setôr agricul al à di frontâ la sfide de programazion

“Programazion e planificazion intal medi lunc tiermin des ativitâts agriculis aziendâls e cooperativis. A saran a chestis peraulis di ordin che i operadôrs dal mont rurâl a varan di rispuindi intai mês prossims se a volaran continuâ a mantignî la sostignibilitât economiche des lôr impresis”, al à dit il president di FedAgriPesca F-Vj (131 cooperativis aderentis cun cuasi 10.000 socis, 1.200 confasûts e 513 milions di euros di faturât complessîf), Venanzio Francescutti, dilunc dal incuintri che si è fat a Codroip devant di un grup di cooperadôrs (socis e dirigjentis di cooperativis agriculis e agroalimentârs), incentrât su la “Cjampagne Agricule 2023” aromai aes puartis.
“La situazion economiche impegnative, l’aument dai coscj di produzion (plui 170 par cent dai acolts;  plui 129 par cent dal gasoli;  plui 90 par cent des pasturis;  plui 50 par cent dal veri dai contignidôrs) e une dificoltât cressinte intal reperiment dai mieçs tecnics (fertilizants) a domandin une gnove cussience e un cambi di mentalitât – al à zontât Francescutti – che a àn di jessi metudis dongje di une formazion personâl costante e di servizis puntuâi di assistence tecniche”. (A.D.G.) – 19.01.2023