L’Udin al siere la prime part dal campionât miôr di un an indaûr

Si è sierade la prime part de serie A e l’Udin si cjate al setim puest cun 28 ponts: ben 8 in plui a pet dal campionât passât. Un risultât prestigjôs, viodût che dome il Napoli, prin in classifiche, al à fat miôr a pet di un indaûr: 11 ponts in plui. Daûr dai furlans e je la Salernitana cun “+7”, ma dut câs in bas inte classifiche. La vitorie par 1 a 0 cu la Sampdoria a Gjenue, ancje se no masse biele, e je rivade dopo plui di trê mês, cjapant dentri il stop pai Mondiâi. Il risultât positîf al è merit soredut di une partence cun sprint. 6: vitoriis, une pate e dome une sole disfate fin ai 2 di Otubar, po dopo cinc patis e dôs disfatis prime di fermâsi. Intal 2023, il gol di Ehizibue al ‘Marassi’ al à crevât une linie negative di dôs partidis pierdudis e une pate. (A.I.) – 23.01.2023