Greta Pinzani, la prime medaie furlane ai Eyof

A Eyof 2023, il Festival olimpic de zoventût europeane, che fintremai a sabide al viôt in gare atletis di dut il continent su lis pistis de nestre regjon, e je rivade la prime medaie ‘furlane’ . Al è sucedût martars ai 24 ae tarvisiane Greta Pinzani, dal Sci Cai Monte Lussari, che e à vinçût la medaie di arint te cumbinade nordiche a disesiet agns, soredut cuntune prove strabuine cui schîs di fonts ae Arene Paruzzi di Tarvis, dopo la gare intal salt dal trampulin di Planica, in Slovenie. Il sô alenadôr Simone Pinzani, che al è ancje so pari, al è stât olimpic intai agns 90. (A.I.) – 25.01.2023