205
E je di doi milions di euros la prime stime dai dams che il fûc, sclopât vie pe gnot tra lunis e martars, al à disfat il cuarp centrâl dal Eibn Mountain Lodge, l’albierc dai vip a Sauris di Sot.
Il fugaron al è stât domât des Vuardiis dal Fûc che a àn mantignût dut câs un presidi sul puest, fin al dopomisdì sul tart di martars, par sconzurâ che a podessin disvilupâsi gnûfs fûcs.
Cheste matine i perîts assicuratîfs di Unipol a àn fat un prin sorelûc. La stime dal dam e je ancjemò aprossimative, ma e podarès riva sui doi milions di euros.
Ancjemò di sclarî, invezit, lis causis dal fûc: la ipotesi dal broi e je stade scartade daurman. (A.D.G.) – 25.01.2023
