Screade vuê la stazion di ricjarie ultra svelte al esterni de concessionarie Ferri Auto di Tavagnà.
La stazion di ricjarie e je la prime realizade in Friûl Vignesie Julie inefri di un grant progjet de filiâl taliane di Volvo in colaborazion cu la rêt des concessionariis uficiâls Volvo par judâ la difusion de mobilitât eletriche.
Ae inaugurazion a jerin presints tancj rapresentants des istituzions, che tra chei il governadôr Massimiliano Fedriga che al à visât che “l’impegn de Regjon inte transizion energjetiche al è concret, cemût che al dimostre la sielte di destinâ 100 milions di euros pai implants fotovoltaics privâts e 55 milions par chei realizâts des impresis. Cumò al covente un pat di colaborazion tra public e privât parcè ancje la mobilitât eletriche, aromai jentrade intal marcjât, e sedi difondude”.
“O sin braurôs di scomençâ chest percors ienfri di un grant progjet nazionâl”, al à sotlineât Giorgio Sina, titulâr de concessionarie Volvo Fiers Auto. (A.D.G.) – 26.01.2023
