167
Un om di 39 agns al è stât socorût intal prin dopomisdì di vuê pes feridis ripuartais dopo di un incident stradâl fat in vie Giuseppe Verdi, su la rotatorie, a Basandiele di Cjampfuarmit.
Par causis in cors di aciertament, intant che al pedalave in siele ae sô biciclete si è dât cuintri cuntune veture e al è colât malementri a tiere.
L’om al è simpri restât cussient e al à ripuartât un traume aes gjambis. Subite e je rivade la domande di jutori al numar unic Nue112.
I infermîrs de Sores a àn inviât daurman sul puest l’ecuipaç di une ambulance di Udin che al à dât lis primis curis ae persone feride, dopo traspuartade in codiç zâl al ospedâl Sante Marie de Misericordie di Udin. (A.D.G.) – 27.01.2023
