Conciert de prime taliane laureade a Mosche cul massim dai vôts

Un viaç intal Nûfcent musicâl, de France ae Europe centrâl, fintremai ai mestris dal Est, cul recital pianistic de zovine, ma za afermade e talentuose pianiste Martina Frezzotti. Il conciert al è une gnove tape in cartelon pai “Concierts dal Conservatori”, martars ai 31 aes 8.30 di sere al “Tartini” di Triest. Nassude intal 1986, Frezzotti e à scomençât a studiâ il piano a sîs agns e e je stade une dai ultins arlêfs di Lazar Berman, ae Academie “Incuintris cul Mestri” di Imola. A vincj agns e je stade ametude al Conservatori Tchaikovsky di Mosche, inte classe de innomenade pianiste gjeorgjiane Elisso Virsaladze. A dome vincjecinc agns, si è diplomade otignint il dotorât di Lauree cul massim dai vôts, tant che prime taliane inte storie dal ateneu di Mosche. (A.I.) – 30.01.2023