Nick Mason: in Friûl e torne la liende dai Pink Floyd

A cuasi 30 agns dal conciert storic dai Pink Floyd al stadi Friuli di Udin, un toc di chê mitiche band al torne in regjon: al è il baterist Nick Mason, che al sarà in Italie par cinc concierts tal mês di Lui. Compagnât dai siei Saucerful of Secrets, une gnove formazion cun ancje Gary Kemp dai Spandau Ballet e il bassist Guy Pratt, dispès ator cui Pink Floyd e David Gilmour, al proponarà la musiche dai prins albums de formazion inglese. La tape furlane e je la seconde: ai 20 di Lui a Palme, in place Grande, par Onde Mediterranee. I biliets a son in vendite di vuê, martars ai 31, in ducj i circuits tradizionâi e i organizadôrs di Euritmica a àn fat za tacâ il cont par ledrôs sul lôr sît in rêt. (A.I.) – 31-01.2023