Un om al è muart vuê di matine dopo des feridis ripuartadis intal incident aeri capitât a Secuals, inte zone di Solimberc.
A dâ l’alarme une persone che e à viodût voltizâ in maniere anomale un piçul elicotar civîl, par dopo sparî dal orizont. I infermîrs de Sores a àn mandât sul puest une ambulance, l’elisocors e a àn ativât lis Vuardiis dal fûc e i Carabinîrs.
Di ce che si sa, il velivul al varès pierdût cuote intant che al jere daûr a sorvolâ il flum Midune. Cundut dal tentatîf di rivâ a tiere, si è crevât cuintri il teren a velocitât fuarte. Il pilote al è muart al istant.
Sul puest a son rivadis pôc dopo misdì lis Vuardiis dal fûc dai distacaments di Spilimberc e di Manià.
Un secont velivul, che probabilmentri al svolave a pocje distance, al è rivât a tiere intai contors, intal jet dal torint in chest moment in secje. I carabinîrs a son daûr a sintî il pilote par capî lis circostancis dal incident.
(A.D.G.) – 31.01.2023
