A Tisane, spazi ai autôrs ‘di confin’

Cuinte edizion par “Riflettori sul Nord-Est”, la rassegne leterarie di confin che e anticipe la 30e edizion dal premi leterari internazionâl “Latisana per il Nord-Est”, valorizant i autôrs e i libris ambientâts al confin, cuntune schirie di incuintris che a slargjin ancjemò di plui la cognossince e la difusion dal panorame leterari transfrontalîr. Si scomence joibe ai 2 di Fevrâr aes 6 dopomisdì al Centri Polifunzionâl cun Daria Collovini e “La ballerina di Degas” (Gaspari), intervistade dal Grup di leture “Libris in circul” de biblioteche. (A.I.) – 01.02.2023