Di Pocis a Samarcanda suntune moto dal 1939

Martars ai 7 di Fevrâr, aes 8 di sere, al torne in maniere ecezionâl al Visionario di Udin il cine di sucès “Pozzis, Samarcanda”. Ospits in sale il regjist Stefano Giacomuzzi e il “Cocco”, il protagonist dal cine: doi amîs improbabii adun cun dome che un obietîf, chel di rivâ a Samarcanda. Cocco al à 73 agns, un passât tormentât e al è l’unic abitant di Pocis, paîs abandonât su lis monts furlanis. Di simpri al insumie di partî viers Est in siele ae sô Harley-Davidson dal 1939. L’incuintri cun Stefano, regjist di 22 agns, al à fat deventâ realtât un sium. Al è nassût cussì un viaç di 37 dîs, traviers 9 stâts e 8.000 km, par rivâ fintremai intal cûr de Asie, in siele a une moto inadeguade a un percors cussì estrem. (A.I.) – 06.02.2023