161
Al è zâl su la muart di Fabrizio Copetti, il dirigjent di bancje di 55 agns, origjinari di Glemone e di cuindis agns resident par lavôr a Padue, cjatât cence vite îr di sere in vie Avanzo, in bande di un passaç pedonâl.
Dificil pensâ che Copetti al vedi vût un mâl. Al podarès jessi stât cjapât sot di un auto o agredît. A fâ clarece sul fat a saran i agjents de Polizie locâl, che a àn acuisît i filmâts dal sisteme di videocontrol de zone.
Copetti, za diretôr di filiâl par Intesa Sanpaolo prime e Unicredit dopo, a Dartigne e a Udin, di Zenâr dal 2007 al veve la incarghe di specialiste senior dal setôr Disvilup e Formazion de bancje. In Friûl, dulà che al veve ancjemò parincj e amîs, al tornave dispès. (A.D.G.) 07.02.2023
