Provis viertis dal spetacul nassût in videochat a Cormòns

Il centri di produzion teatrâl Artisti Associati al ricjape a plen lis ativitâts di Artefici – ResidenzeCreativeFVG. In chescj dîs, al teatri comunâl di Cormòns, al è impegnât inte session di lavôr creatîf Pietro Angelini, in ‘residence’ par dôs setemanis. A un pas de fin di cheste fase dal lavôr, joibe ai 9 aes 6 dopomisdì al Teatri, l’artist al ufrirà une condivision a jentrade libare ai spetatôrs, par vivi ancjemò di plui in profonditât il rapuart cul teritori. “Several love’s requests – al sclarìs Angelini – e je une ricercje sul cjamp, traviers i struments che il mont digjitâl al ufrìs, tant che i sîts di videochat par esempli, che a permetin di conetisi in maniere casuâl cun diviers utents di dut il mont. Il centri dal incuintri a son i desideris romantics e sessuâls des personis che a jentrin chescj lûcs de rêt”. (A.I.) – 08.02.2023