Corâls ‘in viaç’ a Puart

Si clame “Voci in viaggio” (“Vôs in viaç”) l’event inmaneât di VeGAL in colaborazion cul Comun di Puart. Protagoniscj, domenie ai 12 des 6 dopomisdì al Teatri Russolo di Puart, trê corâls che a proponaran tocs par furlan, sloven e venit. A cjantâ par furlan, l’Ottetto Hermann diret di Alessandro Pisano, nassût a Cjamparòs intal 1988, che al puarte indevant la esperience di cualchi element inte Corâl de Briade Alpine Julia. Chei altris a son il grup vocâl feminin “Stu Ofint” e il Coro Popolare Chioggiotto. (A.I.) – 09.02.2023