Mari e il so piçul trussâts a Udin di une machine
Une femine e il so piçul a son stâts socorûts, tor misdì, dopo di un incident sucedût in vie Aquilee, a Udin. Par causis in cors di aciertament, intant che e jere daûr a cjaminâ, sburtant il birocin cul frutin, e je stade trussade di une veture in passaç; mame e fi a son stâts butâts a tiere.
Imediade la clamade al Nue 112: i infermîrs a àn inviât sul puest ambulance e machine di emergjence mediche. La femine e il piçul a son stâts traspuartâts, ducj i doi in codiç zâl, al ospedâl Sante Marie de Misericordie di Udin. (A.D.G.) – 10.02.2023