A Buri i miôr vins di Italie

A tornin a Buri in Vile di Toppo Florio fintremai joibe ai 25 lis finâls nazionâls de vuide “Vinibuoni d’Italia”, publicade dal Touring Club Italiano. Lis selezions des aziendis vitiviniculis che a jentraran inte gnove edizion de vuide a àn puartât a 850 vins, tra plui di 30 mil campions presentâts, che a concoraran aes finâls pai premis bramâts de Corone, il massim ricognossiment pai vins di ecelence, e de Golden Stâ. Lis selezions a son stadis fatis “ae vuarbe”, tant che ogni an, e i vins a rapresentin la miôr espression rivade dai roncârs talians. (A.I.) – 22.08.2022