A Cjasarse a tornin i ‘grups di leture’ in biblioteche

In ocasion de decime novesime Zornade nazionâl dal sparagn energjetic e dai stîi di vite sostignibii, la Biblioteche civiche di Cjasarse si zonte ae iniziative “M’illumino di meno” cun cualchi apontament “a lûs distudadis”. Joibe ai 16, aes 8.30 di sere, al tornarà a “impiâsi” il grup di leture dai grancj, che al jere stât “distudât” dilunc de pandemie, e che al larâ indevant cun incuintris mensîi, leturis “iluminantis” e conversazions sostignibilis, pilotadis di Livio Vianello par dut l’an. Cun di plui, in Biblioteche al nas il prin grup di letôrs zovins, che si metin adun aes 6 dal dopomisdì: al è pensât par ducj, chei entusiascj di fevelâ di un libri o mancul, i letôrs costants e chei ocasionâi. (A.I.) – 15.02.2023