La cjase di polse La Quiete di Udin e à anunziât la ritocjade in aument des sôs retis pal 2023, par fâ front ai auments di presit intai varis setôrs.
“Dopo vê mantignût par doi agns lis retis in sostance identichis – al sclarìs il president Alberto Bertossi – il Cda al à scugnût cjapâ at dal aument impuartant dai coscj energjetics e di chei des paiis. In ogni câs, gracie ancje aes politichis di contigniment de spese dal an passât e di chel corint, o sin rivâts a contignî l’aument de rete zornaliere in 3,50 euros pe cjase di polse e in 4 euros pe struture di “I Faggi”: in ducj i doi i câs ben disot di cetant che il sôl calcul inflazionistic al varès compuartât, o sedi cuasi 9 euros”.
La rete medie pal 2023 ael sarà duncje di 68,10 euros zornalîrs par un totâl di plui o mancul 2.043 euros al mês, cuintri chei plui o mancul 1.998 euros dal 2022. La tarife zornaliere si ridûs di 2,5 euros al dì pe Fasse Isee 1 (cuote zontade dal contribût regjonâl) e di euros 1,5 euros pe Fasse Isee 2. (A.D.G.) – 12.01.2023
