A Felet il prin teatri ‘imersîf’ in regjon

Al à viert lis antis sabide ai 25 a Felet, in comun di Tavagnà, il prin teatri ‘imersîf’ permanent dal Friûl-Vignesie Julie. Titulât a Paolo Maurensig, al è unic in regjon – e facil ancje in Italie. Un dai prins teatris a jessi dotât di une infrastruture tecnologjiche ‘imersive’ permanente, audio e video, sedi dentri de sale principâl che intal foyer, disvilupade di 4Dodo. Il gnûf teatri al è une struture polivalente, cuntune sale principâl di plui di 350 puescj e 60 inte anticjamare. In ducj i doi i spazis si pues vê la oportunitât di vivi esperiencis imersivis a 360° in graciis di une tecnologjie inovative buine di creâ, traviers videoproiezions cuntune risoluzion cetant alte sedi tai mûrs laterâi de struture che su la pavimentazion, atmosferis involzintis e di grande sugjestion. (A.I.) – 27.11.2023