A Maian, un altri Istât plen di musiche

Dai 21 di Lui a metât di Avost, il Festival di Maian al torne pe sessantesime tierce edizion cun grande musiche, art, culture, savôrs e avigniments par ducj. Desenis i apontaments par une des manifestazions plui antighis chi ator: il spetacul di Panariello cun Marco Masini, i concierts di Salmo, Renga e Nek, Articolo 31, Goran Bregovic, il Dj Gabry Ponte. Il premi de Pro Maian, che ogni an al va a un simbul de ecelence furlane in Italie e intal mont, al vignarà assegnât chest an a Edi Orioli, il pilote cuatri voltis vincidôr dal Rally di Dakar. (A.I.) – 08.06.2023