A Palme si fevele di emergjence ambientâl

A son za centenârs lis personis che a àn visitât la mostre event cun caratar sientific/artistic “I tormenti di Poseidone”, dedicade ae emergjence de micro plastiche inte idrosfere, visitabile fint ai 10 di Març intal spazi espositîf de Caserme Montesanto in vie Marcello 10 a Palme. Dai 6 ai 8 di Març, simpri intal stes lûc, al sarà fat un “hackaton”, un avigniment che al ponte a sensibilizâ students e citadins su cheste emergjence ambientâl, metint in conession il mont de culture sientifiche e chel de art sul teme des micro plastichis. Dilunc de esperience, il visitadôr al sarà ospitât intun ambient imersîf e vuidât traviers grafics, imagjins, videos, oparis artistichis e testemoneancis de ricercje in cors a nivel locâl e internazionâl. (A.I.) – 05.03.2025